قصة رومانسية

فؤاد شاب بيشتغل بميكانيك السيارات كل يوم بتمر صبية اسمها "اسما" مع صديقتها نريمان جنب المكان يلي بيشتغل فيه فؤاد حبها لهي البنت من اول مرة شافها بحياتو بس هو ماصارحها بهشي هو كان بدو ياها تحصل على الباكالوريا تبعها وبعدين اروح مباشرة لبيتهم ويخطبها
المهم هو كل ماتمر جنبو مايتحكم فنظراتو لهيك الصبية وصديقتها نتبهو انو الشاب عندو مشاعر تجاه اسما وبصراحة اسما كمان طلع عندها مشاعر تجاهو بس طبعا مو هي يلي رح تروح لعندو وتصارحو هي ظلت عم تستنى لحتى هو يجي ويصارحها بمشاعرو
بيوم من الايام اسما ونريمان طالعين من الثانوية لحقوهم 2 شباب وصارو عم يتغزلو فيهم اسما حكت لنريمان انو هي فرصة لحتى اتأكد من مشاعر فؤاد اتجاهي وقررت ترجع للبيت من الطريق يلي بيمر على فؤاد
فؤاد شاب الصبايا مرو بسرعة وبعد شوي 2 شباب وراهم عرف انو هدول متقصدين اسما ونريمان لهيك ترك شغلو ودغري لحق الشباب وصار يضارب معهم مشان حبيبة القلب وهيك اسما تأكدت انو هو عن جد بيحبها بس ظلت تستنى امتى رح تيجي اللحظة يلي يعترف بحبو الها

فؤاد كان بالشغل مثل العادة اجى وقت لفطور راح يجيب قهوتو من عند سعيد صادف صبية كان في شاب عم اضايقها ومابدو يتركها بحالها
فؤاد:"هاتي لقهوة لازم روح على الشغل نحكي مع بعض المسا..اااه تذكرت هي بتكون البنت يلي صدمتها بسيارتك سعيد"
سعيد طلع لبرا :"صح هي هي بس شو عم تعمل هون؟؟"
فؤاد:"طلع على هذاك الحمار لازم علمو درس ماينساه"
سعيد:"ههه انت ظل هون بيكفيك مشاكل انا رح روح"
سعيد راح لعندها وخلصها من ورطتها
اماني شافتو خافت تذكرت تهديد اسما من قبل
سعيد:"انا يلي صدمتك من قبل بسياري بدي اطلب منك السماح مااجتني فرصة من قبل"
اماني:" انا مسامحتك"
فؤاد:"انت بنت عمو لكريم شو عم تعملي هون لحالك؟"
اماني:"اجيت دور على اسما هي اجت عندي من قبل للمشفى وحكتلي نصيرو صحبات وودتني الادريس تبعها"
فؤاد:"هههه هيك قدرت تقنعك تتنازلي عن الدعوة"
اماني بتحكي مع حالها "لكان انت مابتعرف شو صار بهذاك الوقت..كذبت عليك..هلا صار وقت ردلك ياها يا اسما"
خبرها فؤاد انو اسما بتدرس هلا وراحت
سعيد ظل عم يطلع عليها وهي رايحة
فؤاد:"على شو عم تطلع؟؟"
سعيد:"عم اطلع على البضاعة هههه"
فؤاد:"اظاهر عجبتك هههه"
سعيد:"مبينة منيحة بس لازم جربها هههه"
طلعت اماني على الجامعة دور على اسما ونريمان شافتهم فرحت
اماني:"هههه لقيتكم.. هلا رح تشوفو اللعب الحقيقي"
راحت لعندهم:"مساء النور هههه"
طلعو عليها ثنيناتهم
اسما:" نريمان مو هي الصبية تبع المشفى كيف تجرأت تيجي لهون بعد ماهددتها؟"
نريمان:"بظن عم نتخيل"
اسما:صبري شوي رح نتأكد"راحت لعند نريمان وقرصتها
نريمان:" ااااي.. شو صرلك؟ جنيتي؟"
اسما:"هههه ماعم نتخيل"
نريمان:"ممكن اجت دور على الشباب الحلوين يلي هددناها فيهم ههههه"
اسما:"اااه؟؟ ههه وين رح لاقيلها ياهم هلا هههه"
اماني عم تطلع عليهم كيف عم يتمسخرو عليها
بتسمت وقربت لعندهم
اماني:" صح اجيت عشان دور على الحلو الوسيم هاذ بس مو اي واحد انا بدي سعيد"
اسما ونريمان نصدمو فيها
اسما:"ههه ليش عم دوري على سعيد؟"
اماني:"عشان انا معجبة فيه"
اسما:"ممم كثير منيح بس انت وين شفتيه؟"
اماني:"شفتو بهذاك اليوم لما اجا لعند كريم واليوم الصبح هو وخطيبك"
اسما مصدومة :" انت حكيتي مع فؤاد؟؟"
اماني :" ههه نعم بس لا تخافي انا مابدي ياه مبين انو مابيشوف حدى غيرك"
اسما:"انت بدك تكوني مع سعيد احنا شو دخلنا بالقصة؟؟"
اماني:"بدي تساعدوني واذا ماقبلتو رح خبر فؤاد بالشي يلي هددتيني فيه بهذاك اليوم انا عرفة انو مابيعرف اي شي عن القصة هههه"
اسما:"بلييز لاتحكيلو والله رح ابهدلني"
اماني:"لكان اتفقنا خلينا نكون صحبات"
اسما:" اوكي رح نشوف"
اماني :"فيكي تقرري هلا رح احكيلك شو شفت ليوم"
اسما:"احكي"

اسما مع فؤاد بالسيارة عم تبكي وهو ساكت وعم يسوق بسرعة مثل العادة رن تلفونو طلعت امو عم تتصل فيه
فؤاد:"ااه.. شو عم تقولي ؟؟..مين؟ اناا؟"
امو خبرتو كل القصة وهو عصب كثير وقف السيارة طلع منها ونزل وسط الشارع السيارات لما تقرب لعندو بتزيح شوي عن الطريق عشان مايصدموه..
الناس:"لك انت شو صاير معك؟ ليش واقف بنص الشارع؟"
فؤادولى على بالو الناس شو عم تحكي ماقدر يستوعب حكي امو وكيف انهم رجعولو الخاتم ولغو الخطبة.. حكي امو كثير وجعو ..بهدلتوكثير لانو خانها لاسما
اسما (عم تبكي):"فؤاد بترجاك لا ظل هنيك السيارات رح تدعسك بعد بلييز"
فؤاد:ماعاد بدك ياني..بدك بعد عنك واتركك..لكان انا رح بعد.."
اسما:"بعد بس مو هيك انا ماطلبت تموت حالك بلييز خلينا نتفاهم"
فؤاد:"اذا رح بعد عنك ليش لحتى ظل عايش؟ صار بدك نتفاهم؟على شو؟ انت عم تشكي فيني؟"
اسما كل مابتمر سيارة تصرخ وتغمض عيونها وقلبها رح اوقف من كثرة خوفها عليه
اسما:"لا انا ماعم شك فيك بس مين هي يلي ردت على تلفونك بنص الليل؟
فؤاد:"انت ليش ماسألتيني ؟ ليش ماحاولتي تفهمي شو صاير؟ ليش رحتي دغري لغيتي الخطبة؟"
اسما حست بالذنب
فؤاد:"جرحتيني وقسمتي قلبي نصين بس مو مشكلة مقبولة منك بس انك تشيلي الخاتم وترجعيلي ياه هي مارح سامحك عليها"
اسما:"فؤاد بلييز سامحني بس تعا لهون رح تموت حالك وتموتني معك"
فؤاد:"انا رح موت حالي وبس انت ماعاد الك اي معنى انا زوجتي كانت حاطة الخاتم تبعي انت مو حاططتو بس معلش رح دور على يلي بتستاهل تحطو"
اسما:"لا اوووف مارح اسمح لاي وحدة تحطو هذاك الخاتم الي لحالي"
فؤاد:" مانو الك انت خلاص شلتيه ومارح يرجعلك ابدا"
اسما ماحست على حالها نست انهم بنص الشارع راحت لعند فؤاد من غير ماتنتبه
سمعت صوت لفران غمضت عيونها فتحتهم لقت سيارة واقفة وفؤاد قدامها
اسما:"فؤاااد شو صرلك" (صارت عم تطلع عليه ماصرلو شي الحمد لله)
صاحب السيارة:"شو مو شايفين قدامكم؟"
فؤاد اشرلو بايدو وحكالو"اسفين اخي"
اخذ اسما ورجعو على السيارة
فؤاد:"بظلي عم تبكي مثل لولادلصغارهههه قليلي مين يلي حكت معك؟"
اسما:"مابعرف انت يلي لازم تقلي ردت من موبايلك"
فؤاد طلع موبايل جديد حكالها اهو انا شتريت واحد جديد وكرط جديد كمان موبايلي لقديم مالقيتو مبارح ورقم تلفوني لقديم لازم لستنى لبكرا عشان روح رجعو لانو كان عندي كثير شغل انا حاولت احكي معك بس لقيت تلفونك مسكر
اسما عم تسمع القصة ومصدومة
فؤاد: اسما بجد من كل عقلك انا ممكن خونك؟كيف فيني اطلع على وحدة غيرك ونتي ساكنة جواة قلبي؟؟"
اسما:"انا مافهمت..في وحدة ردت على تلفونك وحكتلي انكم كنتو مع بعض ونسيتو عندها"
فؤاد:"شو انت رح تصدقي مين ماكان؟اي شخص حكالك شي عني رح تصدقيه يعني؟هي سرقتو ولعبت عليك"
اسما:"كيف سرقتو؟ مين هي وكيف قدرت توصل لموبايلك؟
فؤاد:"هي وحدة اجت عندي من قبل كنا لس مو مع بعض انا وانت.. عترفتلي بحبها وانا صديتها وهلا لما سمعت انو انا خطبتك رجعت عم تحاول تخليني اتركك.. مانتبهت لما اخذتو بس رح دور عليها وفرجيها مين بكون"
رجع اسما على الجامعة
فؤاد:"انا ماسامحتك.. رح عاقبك على الخاتم يلي شلتيه من ايدك بروح على البيت وبرجع"

اسما تصلت بنريمان لتعرف وينها خبرتها انها مع كريم ورح ترجع بعد شوي
رجعت ولتقت فيها
نريمان:"شو تصالحتي انت وفؤاد ولى لس؟"
اسما:"ليوم كان غير شكل موتني من الرعب خلاني اندم على الساعة يلي شكيت فيه انو خاني..الموبايل طلع مسروق ..دي وحدة كانت بتحبو من زمان بس هو رفضها ..رح جن لاعرف مين بتكون هي الصبية"
نريمان:"هههه خبرتك من قبل انو فؤاد مستحيل اخونك..وبالنسبة للصبية لاتقلقي رح ندور عليها واكيد اماني رح تساعدنا"
اسما:"مم ان شاء الله..ايه حكيلي انت شو صاير معك؟"
نريمان:"رح احكيلك هههه..الصبح رحت مع كريم خبرني انو هو محضرلي مفاجأة"
اسما:"ههه منيح بس شوهي المفاجأة؟"
نريمان:"اخذني على بيتو بس انا رفضت فوت عليه انا مستحيل فوت على بيت راجل عزابي ..صار عم يضحك عليا وحكالي مو مشكلة بدي بس فرجيكي شغلة
سحبني من ايدي ورحنا على بيت ثاني فتح الباب وفات على البيت وطلب مني استناه شوي
شوي واجا ومعو ست كبيرة بالعمر ..انا بس شفتها خجلت ونصدمت
قلها" امي هي بتكون نريمان يلي حكيتلك عنها"
سلمت عليها
نريمان:"اسفة خالتي اجيت من غير ماخبركم ..كريم بيكون الاستاذ تبعي"
صفية(ام كريم):"هه معلش بنتي ..هو حكالي انو رح يجيبلك لعندنا عشان نتعرف عليكي.. فوتي ليش لساتك وافقة برا"
فتت على البيت وقعدت بالصالون اجا كريم جايب معو قالب كاطو وعليه شمعة 19  انا نصدمت ماتوقعت هشي
كريم:"ههه عجبتك المفاجأة؟"
نريمان:"نننعم ..شكرا كثير ..ليش عذبت حالك؟"
نوال(اخت كريم):"مافي عذاب حبيبتي ..نسريييين تعي لهون نغني سنة حلوة "
نسرين(بنت نوال):"اوكي مامي ..بس انا عيد ميلادي لس عملتولي ياه من جديد"
نوال:"ههه لا حبيبتي هاد تبع خالتو نريمان"
نريمان كانت خجلانة كثير غنو مع بعض وطفت الشمعة وقطعت قالب الكاطو وطبعا قدمولها هدايا
قضو وقت حلو مع بعض وهلا راجعة معو على الجامعة
كريم:"مارح تشوفي شو جبتلك هدية؟"
نريمان:"اه اوكي رح افتحو"
وقف السيارة عم يستناها تفتح لهدية وقلبو عم ادق
فتحت لهدية لقت علبة صغيرة فتحتها لقت خاتم بيجنن
نريمان مصدومة طلعت على كريم
كريم:"نريمان انا بحبك ..انت سكنتي جواة قلبي.. بعرف انو ماصارحتك من قبل بس حبيت اتعرف عليك منيح وبعدين اتقدملك على طول..تقبلي فيني؟"
نريمان حست حراراتها مرتفعة كثيرمفاجأت بنفس اليوم
نريمان:"ماني مصدقة ..هاليوم كين غير شكل وانا مارح لاقي شخص مثلك ابدا(شافت بالارض) انا اكيد قبلانة"
اسما:"بجد؟وينو الخاتم؟"
نريمان:"ماحبيت حط الخاتم من هلا رح حطو بعد الخطبة"
اسما:"وامتى رح تعملوها؟"
نريمان:"هو كان بدو الاسبوع الجي بس انا رفضت عشان اخي لساتو بالمشفى ووضعو مانو منيح لهلا..خلينا نروح على البيت"
اسما:"انا مارح روح لازم استنى ليعاقبني فؤاد طلب مني استناه"
نريمان:"هههه كثير متشوقة لاعرف شو رح اكون عقابك؟"

طول الطريق اسما عم تطلع على فؤاد ساكت
فؤاد:"لس مافطرتي مو؟ خلينا نروح نفطر"
اسما:"اوكي مثل مابدك"
فؤاد شترى لفطور ونزلو على البحر عشان يفطرو..قعد فؤاد عم يفطر ويحكي ويضحك واسما ماقدرت تفطر مرعوبة شو ممكن اكون عقابها
فؤاد:"ليش ما عم تاكلي.. شو صاير؟"
اسما:"ماقدرت ماعندي نفس للاكل.. فيك تاكل انت صحة وهنى"
فؤاد"مثل مابدك اصلا مابيهمني"
اسما:"كيف مابيهمك؟ انا كنت رح صير مرتك"
فؤاد:"صح كنتي.. هشي قبل ماتشيلي الخاتم"
اسما:"فؤاد سامحني بلييز بعرف اني غلطلت"
فؤاد:"بس انا خبرتك مارح سامحك على هشي"
اسما:"بس انت رح تعاقبني"
فؤاد:"صح هي بتكون عقوبتك"
اسما :"مافهمت شو بتقصد؟"
فؤاد:"فهميها على كيفك"
اسما صارت عم تبكي:"ليش فؤاد؟ليش عم توجعلي قلبي؟انا بعرف انك بتحبني ليش بدك نفترق عن بعض؟"
فؤاد:"انا ماحكيت اني مابحبك..بس خلاص مثل ماحبيتك فيني حب حدى غيرك"
اسما:"لا هشي مستحيل..بعمرك مارح تقدر تحب حدى غيري..انا بعرف انو انا ساكنة هون(عم تضرب باصبعها بقلبو)"
فؤاد مسكلها اديها وبعدها عنو
فؤاد:"انا حذرتك من قبل ماتشيلي الخاتم من اديك ابدا(مسك الخاتم ورماه بالبحر)"
اسما نصدمت نزلت على الارض وصارت بتبكي
فؤاد ماقدر يتحمل دموعها راح لعندها ومسكها من اديها لتقوم
اسما:"تركني..عم قلك تركني..انت مابتحبني ..انت بتحب حالك وبس..مشان غلطة وحدة وسوء تفاهم انت تركتني"
فؤاد:"سوء تفاهم؟؟ وانت شو؟؟ انا على الاقل تناقشت معك بيني وبينك ..بس انت لا..انت خليتي الموضوع يوصل لامك وامي"
اسما:"لكان هيك.. انت كل يلي هامك هي امك.لهالسبب تركتني"
فؤاد:"لك ليش عم تحكي معي هيك؟؟..انا اذا بدي احصل عليك ماحدى رح يوقف بطريقي..لا انت ولا ابوك ولى امي..عم تسمعي؟؟"
اسما:"هشي كان من قبل لما كنت مع فؤاد زوجي..مو هلا..خلاص بعد بدي ارجع على الجامعة"
فؤاد: "مثل مابدك رح وصلك"
وصلها على الجامعة كانت كثير معصبة وتحكي مع حالها "شو مفكر حالو..اذا بدو اروح خلاص اروح"
شافتها نريمان راحت لعندها
نريمان:"شو صاير معك اسما؟"
اسما:"خلاص احنا تركنا بعض..فؤاد تركني"
نريمان:"لا مافيني صدق هالحكي"
اسما:"بلى هشي صار فؤاد زت الخاتم بالبحر وحكالي انو مارح اسامحني ورح نفترق"
نريمان: وانت شو حكيتي؟"
اسما:"شو رح احكي؟ بالتوفيق"

نريمان فكرت تتصل باماني بيجوز تقدر تساعدهم ..حكت معها واجت اماني لعندهم على الجامعة
اماني:"مساء النور صبايا..بعرف انكم ماتقدرو تعملو اي شي من غيري ههه"
نريمان:"لك سكتي شوي..شو نسيتي شو عملنا فيكي بالمشفى؟"
اماني :"لا مانسيت..بس كمان مانسيت انو اسما كذبت على فؤاد بخصوص الموضوع هاد هههه"
اسما:"روحي حكيلو..شو عم تستني؟ احنا خلاص تركنا بعض ماعاد اهمني اي شي"
اماني (مصدومة):"كيف؟فهموني شو صاير؟"
اسما:"احنا فترقنا بسبب الصبية يلي خبرتيني عنها من قبل..سرقت موبايل فؤاد ولعبت معي لعبة وسخة..انا فكرتو خاني ولهالسبب هو تركني"
نريمان:"بدنا منك تساعدينا"
اماني:"ممم ..رح ساعدكم بموضوع الصبية لحتى نلاقيها وننتقم..بس بالنسبة الك ولفؤاد فلازم تحلو مشاكلكم لحالكم"
تصلت اماني على رقم فؤاد القديم لانو هو لس ماسترجع رقمو ولساتو مع هديك البنت
اماني:"الو..مدوموازيل"
ليديا:"الو .. مين معي؟ اسما هههه"
اماني :" لا مو اسما ..انا صديقتها..رح اجيكي من الاخر مبارح سرقتي موبايل فؤاد وانا كنت شاهدة على هشي واذا بدك دليل فانت كنت لابسة هيك وهيك"
ليديا نصدمت هي بجد كانت لابسة الشي يلي حكتو اماني بكل التفاصيل وهي مستحيل تكون خطة من فؤاد لانو هو مارح ارد بالو من تفاصيل لبسها لهي الدرجة اصلا مابيطلع فيها
اماني:"رح اعطيكي نص ساعة لحتى تجي لعندي على الجامعة ترجعي الموبايل والا احنا رح نشتكي عليك بالشرطة...على فكرة انا بعرف وين ساكنة كمان"
ليديا:"لا خلاص انا رح رجعو"
نريمان عم تموت من الضحك
اماني:"اسما احكي مع فؤاد يتفاهم معها"
اسما:"لا مارح حاكيه ماعاد في شي ينحكى بينا"
ظلو عم يستنو لحتى وصلت ليديا شافتها اماني شورتلها بايدها لحتى تجي لعندهم
اسما اخذت الموبايل من عندها وعطتها كف
بهدلوها اخر بهدلة
نريمان:احنا رح نسامحك بشرط انك تساعدينا"
ليديا:"بشو؟"
اماني ونريمان شرحولها كل الخطة طبعا اسما مابتعرف شي عن خطتهم
اماني:"اسما روحي غسلي وشك مبينة كثير تعبانة"
اسما:"معك حق ..رح روح غسل"
نريمان:"هاتي الحقيبة..مافي داعي تاخذيها معك ..روحي رح نستناكي هون"
اسما راحت ونريمان فتحت الشنطة لدور على مبايلها اخذت نمرة تلفون فؤاد لجديدة
نريمان عملت حالها عم تبكي وتصلت بفؤاد:"الو فؤاد لازم تجي لهون بسرعة..في صبية ورجال اجو لهون وخطفوها لاسما"
فؤاد:"كيف؟ مين هدول؟"
نريمان:"والله مابعرف هي تركت الموبايل هون وهن اخذوها معهم"
فؤاد:"وقفي الهزار تبعك انت واسما ..هاد مانو وقتو " وسكر الخط
اماني:"ههه اكيد ماصدقك هلا صار دورك ليديا احكي معو من مبايلو"
ليديا:"الو فؤاد ههه ..احنا خطفناها لاسما..انت تركتها لكان مافي مانع نتخلص منها وهيك رح تصير الي لحالي"
فؤاد:"اوعك تمسي شعرة منها..انت وينك هلا"
ليديا:"انا لساتني بالجامعة..تعا لهون بدي حاكيك بشغلة هههه"
فؤاد:"انا جاي فورا..اوعك تفكري تلمسيها..رح خليكي تندمي على اليوم يلي ولدتي فيه" وسكر الخط
كم دقيقة ووصل على الجامعة شافتو نريمان واماني
نريمان:"ههه اجا..لازم الاقيني عم ابكي..عملي شي..قرصيني "
فؤاد شاف نريمان راح لعندها لدموع نازلة من عيونها
فؤاد:"وينها اسما؟"
نريمان:"اخذوها بسيارة ..المسكينة كانت عم تصرخ فؤاد..فؤاد.."
فؤاد عصب كثير تصل بليديا
ليديا:"اذا بدك اسما ظل عايشة لازم انت تصير الي"
فؤاد:"قلتلك تركيها بحالها..انا مستحيل كون الك"
ليديا:" لكان انساها لاسنا" سكرت الاتصال
حاول يتصل فيها ثاني بس ماردت على الاتصال
كان كثير معصب مثل البركان..نريمان عم تطلع عليه وتحكي مع حالها"هو بيحبها لهي الدرجة ومع هيك تركها"
فؤاد:بس هن كيف قدرو يخطفوها وسط كل هدول العالم؟"
نريمان:"هي راحت معهم ..حكتلي انو الموت عندها احسن من الم العيش من غيرك ..ماقدرت تتقبل تعيش بلاك..كلشي صار بسببك..انت يلي تركتها"
فؤاد:"انا مستحيل اتركها وبعمري مارح اعمل هشي..انا كان بس بدي اعطيها درس مشان ماترجع تتسرع مرة ثانية..انا بحبها وبعشقها ..هي بتكون مرتي وحبيبتي وكلشي بحياتي ..لك وينها انا رح جن"
اسما ماسكة موبايل اماني وعم تسمع حكيو من موبايل نريمان
اسما(عم تبكي):اماني خلينا نروح لعندو ..كثير وحشني
اماني:"امشي نطلع من الباب الثاني لازم نلتقي بكريم ابن عمي"
اسما:"وهو شو دخلو؟"
راحو لتقو فيه كريم حكا مع فؤاد وخبرو انو هو كان بيراقب الاشخاص يلي خطفوها لاسما وانقذها وهي هلا معو
فؤاد تشكرو وراح لعندو مشان اشوفها

كريم رجع لعند نريمان
نريمان:"انت اجيت هههه"
كريم:" ههه انا صرت واحد كذاب عشان خطرك وخاطر عيونك الحلوين"
نريمان:" ههه شو قصتك مع عيوني؟"
كريم:" عيونك جننوني ههه.. "
فؤاد راح لعند اسما يلي كانت تستناه بييت كريم.. بس شافتو دموعها نزلو وحست قلبها رح يطلع من مكانو
اسما:"ش.شتقتلك.."
فؤاد سحبها لعندو وحضنها ماقدر يتحمل اشوفها عم تبكي
فؤاد:"خلاص حبيبتي وقفي بكي..انا هون معك وماحدى رح افرقنا عن بعض..انت من كل عقلك صدقتي انو انا ممكن اتركك وبعد عنك؟؟"
اسما:"بس انت جرحتني ..انت يلي قلت خلاص فترقنا..انا كنت رح جن..مافيني عيش من غيرك ..انا بعشقك"
فؤاد:" انا بتنفس بوجودك ..اذا ماشفتك وسمعت صوتك كل يوم رح اختنق..ههه"
اسما:"وانا كيف كان فيني اعرف انك ماعم تحكي جد؟؟ حتى الخاتم زتيتو بالبحر"
فؤاد:"ههه ومين حكالك اني رميتو؟؟"
اسما:"ااه ..وينو لكان؟"
فؤاد:" انا زتيت صخرة صغيرة ..الخاتم اهو معي" وفرجاها ياه
اسما بتسمت
فؤاد:" شو ؟ مابدك تلبسيه؟"
اسما:"هههه طبعا بس بدي تتقدملي مثل الافلام والمسلسات"
فؤاد نزل على ركبتو وقلها :"تقبلي تتزوجيني هههه"
اسما:"هههه اكيد"
حطلها الخاتم وصارو عم يضحكو
فؤاد:"تأخر الوقت ..تعي نروح بوصلك"
اسما:" ههه نسيت حالي" وقبلتو على خذو وطلعت بسرعة
فؤاد وقف للحظة بستم وقال لحالو:" الله يصبرني ..لس ظايل 3 سنين هههه..ياخوفي مااقدر استنى"
وصلها على الجامعة لتقت بنريمان ورجعو مع بعض على البيت
بعد يومين
اسما ونريمان قاعدين بالجامعة برا لانو في اضراب
اسما:"انا مليت"
نريمان:"ايه صح ..حتى كريم ما اجا اليوم على الجامعة "
اسما:" ههه شوفي مين اجا"
نريمان:"هههه اماني"
اماني:"هاي صبايا ..كيفكم؟"
اسما:" اهلا..شكرا على مساعدتك النا بهذاك اليوم"
اماني:"ههه ..مافي داعي تشكريني.. بدي بس تساعدوني"
نريمان:" هههه بموضوع سعيد مو؟؟"
اماني:"صح ههه.. لازم تساعدوني قبل ماياخذو مني حدى ثاني"
اسما:" وكيف رح احكي معو؟ والله فؤاد رح يقتلني اذا بحكي مع حدى غيرو"
اماني:" ههه مو هيك ..انت احكي لفؤاد وهو رح يحكي معو"
اسما:"ههه شو رح يحكيلو؟ اماني بتحبك يا سعيد"
اماني:'ههه لا بس فيه يحكيلو انو انا رح كون مناسبة الو وممكن خليه ينسى حياة"
اسما: "اوكي رح اتصل فيه هلا واحكيلو..الو.. صباح الخير ياعمري"
فؤاد:" صباح الحب"
اسما:"انت مشغول هلا؟"
فؤاد:"لا انا هلا بالمقهى رحت جيب قهوتي مثل العادة ههه"
اسما:"كثير منيح..انا بدي حاكيك بخصوص اماني..شو رأيك تحكي مع سعيد عشانها؟؟"
فؤاد:" ههه بحكيلو ليش لا؟..اصلا بهذاك اليوم شافها وعجبتو"
اسما:" ممم حلو قلوبهم على بعض هههه"
فؤاد:"ههه شو؟اماني حبتو كمان؟"
اسما:"هههه صح"
فؤاد:"اوكي هلا بحاكيه هههه باي"
اسما فصلت الاتصال وحكاتلهم:"رح يحكيلو هههه ..لازم تفرحي طلعتي عاجبتو باخر مرة قابلك"
اماني:" هههه بعرف ..اساسا انا لبست غير شكل بهذاك اليوم عن قصد ..وكملت معي لما صار بيلاحقني شاب جنب المقهى تبعو هههه"
نريمان:"ههه.انت وحدة مجنونة"
اماني:"ادعولي صبايا..والله كثير عاجبني ههه"
اسما:" ان شاء الله ..هو بجد ابن حلال بتستاهلي"

خلونا نرجع لفؤاد
فؤاد:"سعيد تعا لهون ..بدي حاكيك بشغلة ضروري"
سعيد:" شو؟ خير ان شاء الله"
فؤاد:"قلي شو رأيك ببنت عمو لكريم؟؟"
سعيد:"هههه مبينة منيحة مابعرف..ليش عم تسأل؟"
فؤاد:" اسما خبرتني انها صبية منيحة وبنت حلال..لكان شو رأيك؟؟"
سعيد:"بشو؟؟"
فؤاد:"ههه تفكيرك صار ثقيل..بقصد انكم تكونو مع بعض واذا الله شاء بتصير مرتك"
سعيد:"والله مابعرف..مابدي فوت بعلاقة هلا..لساتني مو مستعد"
فؤاد ضرب سعيد على كتفو وقال:"يا سعيد ..برأيي تكل على الله مارح انسيك بالمرا غير مرا ثانية"
سعيد:"انت هيك شايف؟؟ رح فكر بالموضوع رح ارجع عالشغل هلا"
سعيد سكت شوي افكر وطلع على فؤاد :"واذا هي ماقبلت؟؟"
فؤاد:" هههه رح تقبل ..الصبية اساسا بدها ياك"
سعيد نصدم بحكي فؤاد
سعيد:"كيف يعني؟؟..شو هي يلي حكتلكم عني؟؟"
فؤاد:"اه هي بدها ياك..شو فيها يعني؟؟ بظن رح تخليك تنسى هديك الفلتانة ..شخصيتها قوية وبتحبك ..مارح تلاقي احسن منها"
سعيد:" ههه احساس غريب بجد حاسس انو هي يلي عم تتقدملي"
فؤاد:"لكان شو قررت؟"
سعيد:"بدي تجيبلي رقمها عشان نتفاهم مع بعض"
فؤاد" كثير منيح هلا اكون عندك"
فؤاد تصل باسما سلمتو رقم اماني عطاه لسعيد
اماني رجعت على البيت وعقلها مع سعيد اذا رح يتصل فيها او لا..وكيف رح يفهم الشي يلي عملتو لتوصلو ..
المسا فاتت على غرفتها وصارت عم تبكي ..تذكرت حبيبها الاول
اماني شخصيتها قوية وعلى طول بتبتسم بس رغم كل هشي قلبها مكسور من الشي يلي عاشتو بالماضي..اماني فقدت حبيبها بريعان شبابو(توفى)
اماني:"ليش تكرتني سمير؟؟..ليش؟..ماني قادرة اتحمل بعدك عني..بس انت يلي بدك اصير هشي"
اماني شافت بمنامها سمير اجا لعندها وطلب منها تنساه وتكمل حياتها مع شخص ثاني..اليوم يلي بعدو لتقت بسعيد وحياة وحست انو سعيد هو يلي رح اكون الشخص المناسب
مرت الايام واماني عم تستنى سعيد احاكيها بس مافي خبر عنو
فؤاد راح لعند سعيد ليسهرو بالمقهى
فؤاد:"خبرني عنك..شو صار بقصة اماني؟"
سعيد:"ولى شي..انا بصراحة مابدي اظلمها معي..لساتني مجروح من جوة..انا خايف اجرحها "
فؤاد:"اذا ظليت خايف مارح تعمل اي شي..لازم تنسى وتبلش من جديد"
سعيد:"ماني قدران انسى ..كيف انسى 3 سنين؟؟ ماعم تروح من بالي ابدا"
فؤاد:"فهمان عليك والله..بس لازم تجرب مارح تخسر اي شي"
سعيد:"ليوم رح حاكيها وبشوف"
فؤاد:"ان شاء الله خير"
سعيد:"ان شاء الله"

اماني كل يوم بظل تستنى سعيد يتصل فيها بس لهلا مافي خبر
تذكرت سمير وصارت عم تبكي
رن التلفون طلع سعيد عم يتصل
اماني ردت على اتصالو وعم تمسح دموعها مابدها سعيد يعرف انها كانت عم تبكي
سعيد: " الو.. اماني؟؟"
اماني:"اه ..هي انا طبعا"
سعيد:" بظن زعجتك وانت نايمة؟؟
اماني:"لا لا..انا لس مانمت"
سعيد:" شو صاير لصوتك؟؟ مرضانة شي؟"
اماني:"صح مرضانة شوي"
سعيد:"الله اشافيكي..لكان رح اتركك ترتاحي ..بنحكي بوقت ثاني"
اماني:"ههه..لالا فيك تحكي هلا"
سعيد بتسم حس انو اماني كانت عم تستناه ليحاكيها
سعيد:"ماني عرفان من وين بلش ..بظن انت بتعرفي كلشي عن قصتي مافي داعي عيدلك ياها..واذا كان بدك نكون مع بعض لازم تتفهمي وضعي"
اماني:"صح بعرف كلشي وانا مستعدة اساعدك ووقف معك"
سعيد:"بصراحة انا بدي اتقدملك على طول"
اماني:"كيف؟؟؟"
سعيد:"هيك رح نقدر نلتقي امتى مابدنا ونحكي براحتنا وبنفس الوقت تكون عندنا فرصة لنفهم بعض بفترة الخطوبة"
اماني صارت عم تفكر بجرح قلبها واذا لازم تخبرو لسعيد او لا بقصتها
سعيد:" فكري منيح ورديلي خبر"
اماني:"ممم اوكي رح فكر بالموضوع"
سعيد:" لكان تصبحي على خير"
اماني:"وانت من اهلو"
اماني ماسكة صورة سمير وتحكي معها
اماني:"انت شو رأيك؟ بقبل ولى ارفض؟؟ اماني اصحي سمير مات ومارح يرجع ..سعيد بدو يتقدملك ..بس انا كيف راح ساعدو وانا لساتني مجروحة؟؟"
نامت ولدموع نازلين على خدها

اسما ونريمان راحو على الجامعة
اسما:"نريمان خلينا نروح نشتري غراض ..عرس اختي عن قريب"
نريمان:"ههه اوكي..انا كمان بدي اشتري شوية شغلات"
بس خلصو دراسة راحو على السوق شترو غراض وراجعين على البيت
اسما:" كيفو اخوكي عادل كيف صار هلا؟"
نريمان:" عم يتحسن الحمد لله ..الدكتور حكالنا رح يطلع عن قريب من المشفى"
اسما:" الله اشافيه ويهديه"
نريمان:"ان شاء الله..على فكرة بابا جهزلو كل وراقو"
اسما:" اوراق شو؟"
نريمان:" ليش ماخبرتك؟رح اسافر على فرنسا يعمل فترة تدريب هنيك تخصص بيولوجيا"
اسما:" اه اوكي ..امتى رح اسافر؟"
نريمان:"بس اطيب رح اروح ..رح اظل سنتين"
اسما بتحكي مع حالها:"والله احسن هيك..بنخلص من مشاكلو"
اسما:" مممم حلو بتمنالو التوفيق"
نريمان:"ان شاء الله..تذكرت ..اماني وين وصلت مع سعيد؟؟ فؤاد ماحكالك اي شي؟؟"
اسما:"مبارح حكالي انو لهلا لس ماتصل فيها ..خاف ليجرحها ..بس هو حكالو انو رح يتصل فيها المسا "
نريمان:"اه..كثير حلو ..بتمنى عن جد يتفاهمو مع بعض..سعيد حدى بيستاهل"
اسما:" ههه بس اماني بنت هبلة "
نريمان:"هههه مو مشكلة هيك رح تساعدو لينسى بسرعة"
بكرا راحت اسما ونريمان ليدرسو طلعو ليفطرو رن تلفون اسما
اسما:" اه؟؟..هي اماني عم تتصل"
نريمان:"ردي ..خلينا نعرف شو بدها"
اسما:"الو اماني.. صباح الخير"
اماني:" صباح النور..انتو بالجامعة هلا؟ خلونا نلتقي مثل العادة"
اسما :" اوكي"
نريمان واسما راحو لعندها
اسما:"خير ان شاء الله..شو صاير؟"
اماني:"مابعرف شو بدي اعمل هلا؟؟"
نريمان:"ليش شو بك؟"
اماني:"سعيد بدو يتقدملي"
نريمان طلعت باسما وصارو عم يضحكو
اماني:" وقفو لو سمحتو"
اسما:"ماشاء الله من اتصال واحد خليتيه يتقدملك"
اماني:"صح وبدو نتعرف على بعض اكثر بفترة الخطوبة..واذا ماتفاهمنا مع بعض كل واحد اروح بطريق ..بس انا خايفة"
اسما: "من شو خايفة؟"
اماني:"انا خايفة من حالي..خايفة مااقدر حبو"
نريمان:"شو؟ مو انت قلتي من قبل انو عاجبك وحبيتيه للشاب؟"
اماني:"لا انتو مانكم فهمانين الموضوع"
اسما:"القصة الها علاقة بالماضي تبعك؟؟"
اماني نصدمت
اسما:"لازم تحكي شو بقلبك عشان ترتاحي"
اماني:" مافيني ..مافيني"
نريمان:"اماني احكي..شو القصة؟"
اماني ساكتة ولدموع عم انزلو من عيونها غصب عنها
اسما:"شوي شوي حبيبتي براحتك..اذا بدك حكيلنا ترتاحي واذا مابدك خلاص"
نريمان:" والله حكي اسما صح..كلنا عندنا مشاكل بس بنحكي نرتاح"
اماني:" بس انا لا ..مافيني"
اسما:" استغفري حبيبتي"
اماني :"استغفر الله"
اسما:"قصة حب قديمة؟؟"
اماني:"ممم"
اسما:" شو صار؟ خانك؟"
اماني:" لا"
اسما:" قصة اغتصاب؟"
اماني:" لا"
اسما:" فترقتو عن بعض.. بقصد نفصلتو؟"
اماني:"لا"
اسما:"لكان شو القصة انا حكيت كل الاحتمالات..احكي الله يسترك"
اماني تحكي وهي عم تبكي
اماني:"را.راا..رااح وتركني..راح لعند ربنا"
اسما نصدمت ماتوقعت انو الموت فرقتهم
نريمان:"يعني هو ماات؟؟"
الكل صار عم يبكي

كريم تصل بنريمان لتروح لعندو
نريمان خبرتو كل القصة وطبعا هو كان بيعرف كلشي من قبل
كريم:" الله يعينها..انتو كمان حاولو تساعدوها لتتخطى الشي يلي مرت فيه..هي محتاجة دعم نفسي"
نريمان:"اه طبعا اكيد رح نساعدها ..مافي داعي تطلب هشي اساسا"
كريم:"ان شاء الله ..اذا حتجتوني بشي شغلة خبروني "
نريمان:" ان شاء الله ..اه تذكرت ..نسيت خبرك انو سعيد تقدملها"
كريم:" كثير منيح..والله سعيد ابن حلال..الله يسر امورهم"
نريمان:" ان شاء الله..بس هي خايفة تحكيلو عن ماضيها والامور تصير اسوأ بيناتهم"
كريم:" ممكن تسوء وممكن تتحسن..ثنيناتهم مجروحين وبيفهمو على بعض..واذا ارادتهم كانت قوية فيهم يتغلبو على الوضع ويعيشو بسعادة"
نريمان:" انا رح روح هلا رح ارجع لعندهم بدي شوفها"
كريم:" اوكي باي نلتقي بعدين"
نريمان رجعت لعند اسما واماني
اسما:" شو كان بدو كريم؟"
نريمان:"مابدو اي شي ..هو بس حكالي كل التفاصيل عن اماني "
اماني:"صح هو بيعرف كلشي صار معي"
اسما: "حكيلي شو قال"
اماني:"فيكي تحكيلها انا ماني قدرانة احكي"
نريمان حكت كل القصة لاسما واسما ظلت عم تبكي وهي عم تسمع حكيها
اسما :" بيكفي ..ماقدرت..والله كثير كل هاذ..انا حطيت حالي مكانك بس ماقدرت اتخيل حالي من غير وجود فؤاد جنبي..ماقدرت اتخيلها حتى .. الله معك حبيبتي"
اماني:"ان شاء الله ماحدى فيكم اعيش يلي عشتو..الواحد مايتمنى هيك شي حتى لأعدائو..قضاء وقدر مافينا نعمل اي شي"
اسما:"والله فهمانتك وحاسة فيكي حبيبتي"
اماني:"انا قررت احكي لسعيد قصتي وان شاء الله يتفهم وضعي"
اسما:" اي حكيلو وانا رح خبر فؤاد يشرحلو الموضوع ..كلياتنا معك ورح نساعدك"
اماني:" شكرا ..مارح انسالكم هالمعروف ابدا"
اماني رجعت على بيتها ..اسما ونريمان ظلو ادردشو مع بعض
اسما تصلت بفؤاد
فؤاد:" الو"
اسما:" الو فؤاد ..اماني قررت تصارح سعيد بماضيها ..ان شاء الله يتفهم الموضوع"
فؤاد:"طيب لازم تحكيلو بالاول وبعدين انا رح حاكيه لاقنعو"
اسما:" ان شاء الله شكرا..دير بالك على حالك بحبك"
فؤاد:" ان شاء الله.. عشان خاطرك انا رح اعمل كلشي بقدر عليه ..باي يا عمري ..ديري بالك على حالك"