قصة رومانسية

صفحة 2 من اصل 2 الصفحة السابقة  1, 2

اذهب الى الأسفل

رد: قصة رومانسية

مُساهمة من طرف ma princesse(غزلان) في الأربعاء سبتمبر 19, 2018 12:57 am

اماني تصلت بسعيد وخبرتو انو هي قبلانة تنخطبلو
سعيد طار من الفرح..هلا صار عندو امل ابلش حياتو من جديد
سعيد:"لكان جهزي حالك يوم الجمعة رح نيجي لعندكم انا وامي"
اماني:" ان شاء الله"
سعيد:"لساتك مرضانة؟؟"
اماني:"شوي"
سعيد:"مانك بالبيت؟؟عم اسمع اصوات عندك"
اماني:" صح ..انا هلا بالجامعة كنت مع اسما ونريمان بندردش شوي"
سعيد:" بالجامعة؟؟..استنيني هنيك رح اجي لعندك هلا"
اماني:"اوكي رح استناك"
اماني ظلت عم تستناه برا..نزل المطر وهي مو حاسة
سعيد وصل لعندها لقاها واقفة تحت المطر ..نصدم فيها
نزل من السيارة
سعيد:"اماني؟؟ ..ليش واقفة تحت المطر وانت مرضانة؟؟"
اماني:"ااه؟؟ مالقيت مكان ثاني استناك فيه"
سعيد:" امشي تروحي معي..كان لازم تروحي ماظلي تحت المطر..رح تسوء حالتك"
اماني راحت معو وتذكرت سمير لما كان يجي ياخذها ويلاقيها تمشي تحت المطر ..كان بيبهدلها
سعيد نتبه انو اماني شاردة عم تفكر بشي شغلة
سعيد:"شو في اماني؟؟ حاسس مانك على بعضك..حكيلي ..انت رح تصيري مرتي ..لازم تتعودي تحكيلي "
اماني توجعت لما سمعت كلمة مرتي ..كانت تسمعها بالعادة من سمير.ماقدرت تمسك حالها ..دموعها نزلو شلالات
سعيد مافهم اي شي
سعيد:" اماني شو صاير؟؟ شو في؟؟"
اماني:"سعيد انت لازم تعرف كلشي عن الماضي تبعي مثل ما انا بعرف كلشي عنك"
سعيد نصدم ماكان بيعرف انو اماني عندها ماضي
سعيد:"احكي ..عم اسمعك..اليوم رح نكون صريحين مع بعض..لازم نحكي كلشي عندنا"
اماني ماقدرت تحكي ..خافت تحكيلو ويفهمها غلط
سعيد:" اماني احكي لا تخافي..بعرف انو كل الناس عندها ماضي..مافي ولى صبية ماعندها حبيب ..اذا بتحكيلي ماكان عندك مارح صدق"
اماني:"انا خايفة احكيلك وماتتقبل شو رح قول"
سعيد:" احكي لا تخافي ..على كل انا رح اعرف كلشي اذا مو هلا بعدين"
اماني:" قصتي مختلفة..انا كنت اعرف شخص 3 سنوات وانا معو"
سعيد:" مم كنتي بتحبيه؟؟"
اماني:" كنت بحبو وكان كلشي بالنسبة الي ..وكان بدو يخطبني..صح كنت بطلع معو بس بعمرو ماتجاوز حدودو معي"
سعيد:"لكان ليش تركتو بعض؟؟"
اماني:"ق..قق..قتلوه"
سعيد نصدم ..ما توقع رح تحكيلو هيك شي
سعيد:" الله يرحمو..بس مين هدول يلي قتلوه؟؟"
اماني:"ناس ماعندهم رحمة بقلبهم..هن حرمونا من بعض..انا صرت مثل المجنونة بعد ماسمعت خبر موتو..لك انا ماقدرت صدق انو مات وكمل حياتي"
سعيد بيطلع عليها كيف عم تحكي وتبكي ..طلعت مجروحة اكثر منو ..ماعرف شو يحكيلها وخوفو انو رح يظلمها معو كبر اكثر
سعيد:"اذا لساتك بتحبيه ليش بدك نكون مع بعض؟؟"
اماني:" لانو هو اجاني بمنامي وطلب مني انساه وبلش حياتي مع رجال ثاني لأنو هو عم يتعذب بسببي"
سعيد:"الله يرحمو..يلي مريتي فيه كثير صعب..انا فهمانك وحاسس فيك"
اماني:"مابعرف اذا رح اقدر حب مرة ثانية بس بظن انو رح نتفاهم ثنيناتنا"
سعيد:" خلينا مانتسرع..رح وصلك ..فكري منيح ورح نحكي بعدين"
avatar
ma princesse(غزلان)
Admin

المساهمات : 161
نقاط : 220
تاريخ التسجيل : 10/05/2017
العمر : 24
الموقع : المغرب

معاينة صفحة البيانات الشخصي للعضو http://a7labanatebilkoun.ahlamontada.com

الرجوع الى أعلى الصفحة اذهب الى الأسفل

رد: قصة رومانسية

مُساهمة من طرف ma princesse(غزلان) في الأربعاء سبتمبر 19, 2018 1:02 am

مرت الايام واجا عرس ناصر وسناء
كان يوم الثنين واهل العروس لازم اروحو لبيت العريس اجهزو الغرفة ويحطو غراض العروس هنيك
يوم قبل اسما وفؤاد بيحكو على الهاتف مثل العادة
اسما:" بكراكثير متشوقة شوف بيتكم"
فؤاد:" بيتنا مو بيتكم"
اسما: "مثل بعض مافي فرق"
فؤاد:" لالا مانهم مثل بعض..انت هلا رح تصيري الي وبيتي هو بيتك"
اسما:" ممم هههه اوكي بيتنا"
فؤاد:"يعني انت جاية بكرا معهم؟؟"
اسما:" ههه اكيد انا اول الجايين"
فؤاد:"ههه بيجوز اخطفك ..بيدورو عليكي مايلاقوكي"
اسما:" ههه وين رح تخطفني؟؟"
فؤاد:"ههه مابيصير تجي لبيتنا وماتشوفي غرفتك"
اسما:"شو؟؟ انت اكيد جنيت على الاخر"
فؤاد:" ههه لكان انا واحد اهبل؟؟ بكرا رح فرجيكي الهبل على قواعدو"
اسما:" فؤاد؟؟ شو رح تعمل؟؟ بلييز تركنا من الهبل ..رح تحرجني قدام لضيوف"
فؤاد:"شو دخلهم فينا؟؟ انت مرتي وانا حر فيكي"
بكرا اهل العروس جهزو كلشي وراحو لعندهم
فاتو على البيت شافت فؤاد غمزلها بتسمت صار عم يضحك
ناصر:"شو بك ليش عم تضحك؟؟
فؤاد:" عم اضحك..شو حرام نضحك يعني؟؟"
فاتو النسوان على الصالون يشربو قهوة
ام فؤاد بتسلم على اسما وتحكي لاهلها:" هي هي البنت يلي جننتو لابني هههه"
اسما ماتت من الخجل
المهم فوتو كل لغراض على غرفة العروس ورتبوهم
اسما اخذت صورة للغرفة عشان تفرجيها لاختها
طلعو عماتها على الصالون وظلت بس هي ومرت عمها بالغرفة
فؤاد تصل فيها خبرها تروح على الغرفة الثانية
فؤاد:"بدك تروحي هلا والا رح ازعل منك" وفصل الخط
اسما ماعرفت شو تعمل قدام مرت عمها
اسما:"فيكي تروحي مرت عمي ماظل كثير رح خلصهم لحالي"
اسما:"خلاص والله كثير عليكي تعبناكي معنا روحي قعدي بالصاون مع لضيوف"
مرت عمها راحت وهي طلعت وراها على الغرفة الثانية
avatar
ma princesse(غزلان)
Admin

المساهمات : 161
نقاط : 220
تاريخ التسجيل : 10/05/2017
العمر : 24
الموقع : المغرب

معاينة صفحة البيانات الشخصي للعضو http://a7labanatebilkoun.ahlamontada.com

الرجوع الى أعلى الصفحة اذهب الى الأسفل

صفحة 2 من اصل 2 الصفحة السابقة  1, 2

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى