كرونيك جزائرية بعنوان {حياتي والحب}

اذهب الى الأسفل

كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 9:51 pm

السلام عليكم ورحمة الله وبركاته
جيت وجبتلكم كورونيك
#حياتي_والحب
اكشن  حب  I love you اثارة وتشويييييق

ابطالنا ..
موح الكونغو ..فرااح...وفاارس وشخصيات اخرى راح تدخل ....
قراءة ممتعة  Razz


عدل سابقا من قبل ηєѕяιηє في السبت أغسطس 18, 2018 10:13 pm عدل 2 مرات
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:01 pm

.#الحلقة_1:
موح...موح...نوض ...
موح نوض راح الحال...
ممم..بديت نحل في عينيا بلعقل مزال مشبعتش نوم
يما خليني نرقد والله ميت بالنعاس وزيد البرد....تكمست فالكوفيرطة ورجعت غمضت عينيا
ياوليدي ربي يهديك نوض راهي 9:00... شبيك؟؟!!!
آآه تسعة ...رميت الكوفيرطة ونضت نجري ...
يما:ايه خاطر تبقا سهران مع هذاك التيليفون...شحال من مرة قتلك متزيدش تسهر معاه يتلفلك رايك....
خرجت يما وهي تهدر....
كملت لبست حوايجي وهبطت خرجت نوضت الطونوبيل (kongo).. ورجعت للكوزينة شربت قهوة كحلة بلخف...
يما:ياوليدي نتا ديما هكا كول كاش حاجة
نوو مناكلش يما ..ياك علابالك...هاني مزروب ابقاي على خير..
ايه نتا ديما مزروب ...والدخان هذاك كلالك صحتك....
خرج محمد ركب الطونوبيل ...شعل تيليفونو دخلوه لي ميساج..عاود عيط..
وي ياسين ...هاني جاي...هههه والله كي لعادة مقدرتش نوض...هيا منبعد....
صح اوكي ....
كوبا ديراكت خاطر لحق للباراج تاع ليجوندارم..وماهوش داير la seinture...
لحق لعندهم ...خويا قاري لهيه..
علاش واش كاين!؟
قااااري ضرك نجيك
نسيت معرفتكمش روحي انا محمد 288 سنة زين عروبي مسرار ...سمر طويل قصايري وديما نضحك...مجبتش الباك خرجت كنت نقرا تسيير واقتصاد ...وضرك هاني كاري حانوت ونبيع الحوايج تاع انسا .
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:02 pm


.الحلقة_2: دورت الفولو ورحت قاريت .جبدت الفران آمان ..تنهدت وتكيت راسي على الكرسي .طلعت عينيا للفوق ..بفففف سور شافني كنت نهدر في التيليفون وضرك ينحيلي البارمي .آآآآععع...واش الزهر هذا مع الصباح...ايه نخليها علا ربي وخلاص...شوية هكاك جا الجوندارم دقدقلي فالكارو..خاطر كنت غالقو وشاعل الشوفاج البرد ...حليتو وشفت فيه.....ج:وثائق السيارة...اعطيتهملو داهم ومشا شوية وهو يقرا فيهم ومنبعد رجع ليا ..ج:انزل ...علاش؟؟.... ج: انزل راح نقوم بتفتيش السيارة...علاش واش كاين معندي والو!!!....ج: مجرد اجراءات افتحلنا لامار ...تنهدت وهبطت ضربنتي نسمة باردة تاع الصباح وزيد فالشتا...صفرت وتكمست درت يديا فالجيوب ..رحت فتحتلو لامار بدا يقلب فالكراتن ويشوف..فالسلعة ..هو يسقسي وانا نجاوب فيه ..واش هاذي واش هاذيك....كمل التفتيش ..ج:سي بون اغلق الطونوبيل ...غلقتها ومكمس مالبرد...هو مشا ونشوفو كونغو كيما نتاعي حبسوها .ديمارات وزادت فالفيتاس ..جريت انا للحوندارم هذاك جبدتو سينون كانت تديه فالطريق .....ديمارو زوج طونوبيلات تاعهم وراها ...الجوندارم هذاك هدر مع جماعتو فالتيليفون وشاف فيا وخبطلي على كتافي ...يعطيك الصحة ...زدا انا خبطتلو علا كتافو....بلا مزية خويا لعزيز...رجعلي بابيي تاوعي ...في لمان ..ومرة اخرى متنساش la senture....تبسمت ورجعت لطونوبيل ...حكيت راسي وتكلت علا ربي .....بعدت علا الباراج دخلت لوتوروت زدت لا فيتاس ...ودرت لغنا ..الغنية لي نسمعها بزاف تاع جابوني ...زدتلو آفووو...."شوفو التحلاب وين يوصل ...ميبغوش ولاد الاصل....حتى واحد ما يحكيلي مربيها علا يدي ودور ليام دوور.....الوالدة ادعي ليا ....ولدك صغير مزالو نية .....'نسمغ فيها ونغني معاها ونطبل على الفولون حتى خرجت من لوتوروت
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:03 pm

#الحلقة_3: لحقت للزنقة لي نخدم فيها نمشي بلعقل خاطر الطريق ضيقة والناس تمشي وتشري مالفيترينات ولا مالمارشي لي قدامنا ...قاريت الطونوبيل وهبطت.. شافني ياسين روشلي ...ياسين صاحبي وخويا ...متزوج وعندو طفلة عبير....يخدم مقابلني ..يبيع القش تاع الدار ..الفراش والمخايد والصوالح هاذو ..وانانبيع حوايج النسا ولبنات....واش ياسين لباس...لباس واش بطيت؟؟!.... ههههه شدوني في الطريق قريب نحاولي البارمي .....هههههه سلكتلها....روح روح خليني نحل الحانوت راني بطيت...فتحتو ودخلت نخمل فيه ونسقم فالسلعة ونخرج منها شويا لبرا سيرتو السلعة لي تدخل جديدة...كملت وخرجت عيطت ...سيف الدين ...يا سيفو ....سيييفوووو.....خرج ..واش تحب بديتنا مع الصباح ....هههه جيبلي قهوة ....هاني جاي....ايا صحا ...كيما نحبها قودرون .......ايه علابالي بلا ماتقولي حفضتك ...
عاودت دخلت رميت روحي علا الكورسي ...جبدت تيليفون فتحت الفايس ...لقيت لي ميساج من عند لبنات لي نهدر معاهم قعدت نقر ا ونضحك....وحدة تقولي صبح الحب ووحدة تقولي صباح الخير عمري ..ووحدة تقولي ...توحشتك ..الخخخ.....حوست علا وحدة مبعثتليش ...مفهمتش علاش غير هي متبعثليش لوكان منهدرش معاها متهدرش ....انا هكاك وجا سيفو جابلي القهوة.....آآآآههه يا سيفو سخونة كيما نحبهايعطيك الصحة ...خلصتو وخرج ....قعدت نشرب فيها ونتبنن حتى نسمغ صباح الخير خويا ..طلعت عينيا ووقفت ..صباح الخير ختى جوزي
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:04 pm

الحلقة_4: دخلت هاذيك الكليونت بقات تشوف وتقلب....خويا شحال هاذي لاغوب .؟؟... 700.000 ....مممم عجبتني معليش تساعدي ...ختي والله مافيها غير سومتها...بقات تشوف فيها وتقلب فيها ..عندك غير هاذي لاكولوغ؟؟.. نو كاين هاذي غوج وكاين نوار والبلو والباج.....ممم معليش نشوف الباج.!! هاي قدامها ...آآآهه هه والله مشفتها ديزولي ...هههه معليش ....ندي الباج بصح تساعدني فيها نقصلي 100.000.... ههههه بزاف ختي هكاك بعتها بالخصارة . ..بقات تذبلي فعينيها....خصارة فيا انا!!!... هبطت راسي وعاودت طلعتو نتبسم كيشغل نكالمي في روحي...ختي تديها بسومتها ولا متديش ؟؟!!... عوجت فمها ..مممم خلاص نديها ...عكرت فيها واش من لاتاي تدي؟؟... اعطيني L....شفت فيها وقلت في قلبي هاذي ماجيهاش L...تديها باج؟؟... وي ..جبدتلهالها ودرتها فالساشي واعطيتهالها ....خلصتني وخرجت ..بقا علا خير خويا واسمحلي....تبسمتلها تاع استهزاء وعاودت قعدت ...النهار هذاك كامل هكاك بزاف لي كليون كاين لي يشري وكاين لي ميشريش ...تقلقت خرجت لبرا قعدت نتكيف ...شافني ياسين جا لعندي وبقينا نتكيفو في زوج...م: والله عييت حبيت نجيب شكون يعوني فالحانوت ...ي: ممم شوف طفلة خير تتفاهم مع لبنات لي يشريو من عندك ...م: عوجت فمي ..بفففف وين نلقاها انا .....ي: هههههه نتا لي متعرفش ...م: نخرج فالدخان ونهدر .نو يلزم وحدة كونفيونس ..ماشي وحدة وخلاص..كي نخليها وحدها منخافش وتكون قادرة علا المسؤولية...ي: ممم نشوف مع لمدام دبرلك...م:.. حقا عبورة توحشتهاراهي مليحة ؟؟.. ي: هههههه حتى هي توحشاتك وديما تقولي عمو موح توحثتو ههههه....حنا هكاك وجازت وحدة حشامة دخلت للحانوت تاع ياسين بقينا نتبعو فيهابعينينا حتى دخلت...ي: ضرك نرجعلك
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:04 pm

الحلقة_5: ياسين دخل للفيترين تاعو وانا بقيت واقف نخزر جيهتهم......شوية هكاك جيت داخل شفتها خارجة من عندو ..حبست وبقيت نشوف فيها ...شافتني منبعد حبطت راسها ومشات ...بقيت نتبع فيها بعينيا حتى رجعت متبانش في وسط الناس...دخلت قعدت وعقلي مزال معاها...مع كامل تفاصيل تاع وجها ..عينيها خضر يلمعو ووجها صافي..هذا واش قدرت نشوف خاطرها متحجبة....فيقني من سرحتي صوت التيليفون .....شفت فيه لقيتو كمال صاحبي ...الو واش كمال لباس ....ك: لباس ونتا؟؟.... م: حمد لله مراكش تبان .....ك: هههه والله والو مع الشغالات ولينا منقعدوش....م: ربي يعينك...ك: لقيتك عيطتلي كاشما ستحقيت؟؟... م : ايه محتاج طفلة تعاوني فالحانوت ..متعرفش وحدة كونفيونس؟؟.... ك : والله مااا ....مانيش عارف ضرك بصح نحوسلك...ولا نقولك حط اعلان فالفيترينة تاعك..م: ههههه زعما راحتلي هاذي انا......نحب وحدة كونفيونس ماشي وحدة لصقة..علابالي لوكان ندير هكاك كااامل يقولو نخدموك: مممم وي فهمتك ...نحوسلك ونشوف....م: ربي يحفضك خويا ....ك: مابيناتناش لعزيز ....م : ايا في لمان ...ك: نشالله.....بفففف نشالله نلقا وحدة تستاهل برك....لحقت الخمسة تاغ لعشية..زمان الشتا غلقت الفيترينة وخرجت لقيت ياسين خارج مالسوبيرات لي قدامنا رافد شوية قضيان ...شاورتلو معناها راني رايح....ركبت فالطونوبيل نوضتها وديماريت....لحقت لوتوروت لقيتها سيركيلاسيون كحلة كي لعادة ....شعلت الراديو نسمع في الحصة يهدرو علا ناس بكري وناس ضرك...قعدت نسمع...وحدة تقول ناس بكري كانو يحشمو. ..مرتبين.. الاحترام .وضرك مكان والو ....الناس ولاو ملهوفين علا كلش لا احترام لا حشمة...ولاخر يجاوب فيها ...نو لازم نوقفو مع الشبيبة نتاعنا ونعاونوهم راهم مقلقين مالضواهر الاجتماعية لا خدمة لا زواج..وزيد يخمو غير فالحرقة
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:05 pm

الحلقة_6:بقيت نسمعلهم حتى كملو ... ..شوية هكاك تحلت الطريق ديماريت . الدنيا ليل ...لحقت للدار ميت بلعيا ...دخلت الطونوبيل للقراج ...وطلعت للدار ..رحت دوشت وبدلت ودخلت للكوزينة لقيت يما مع لفطير طيب فيه فالطاجين...جبت طابوري وقعدت مقابلها سلمتلها علا راسها ورجعت قعدت ندفي في يديا فالطابونة....علاسالمتك وليدي ...يسلمك يما ...نوض نحطلك الشربة راهي سخونة ...خلي نحط وحدي يما منشقيكش كمليلي الفطير برك..هههههه....جبت مخفية فرغت فيها شوية شربة وقعدت ناكل ونجوز بالفطير سخونة ....ونهدر معا يما هي تسقسي وانا نجاوب كي لعادة هههه حتى قاتلي وليدي هاني شفتلك مرا ..احححح اححححح حصلتليشبيك وليدي سمالله عليك...شربت كاس ما على نفس....م: الحمد لله مبياش يما شرقت برك....وكملت ناكل....ايه هذا كي قتلك شفتلك مرا.؟؟!!!... واش راك قيسك لازم تتزوج حابة نفرح بيك نفرح بولادك ...شوف خوك سمير تزوج بصح ماشي عايش معانا ..منشوفش ولادو حتى نتوحشهم هاذيك مرتو المصفارة تروح تخدم وهو يخدم ..والدراري يقراو ..ومنشوفهمش غير مالعطلة للعطلة....ترباو على يدي وضرك ولاو كي لبراوية ....نتا قلت نزوجك وتقعد معايا ...وشفت وحدة فالحمام البارح مع يماها تلاقيتهم خارجين ..عجبتني سقسيت عليها قالولي بنت فاميليا ..جيت في بالي نخطبهالك سقسيتك......م: ممم يما مزال شوية ..مزال مانيش واجد كي نعول نقولك وبلاكي تهدري مع كاش وحدة بلا متخبريني !!.. يما عوجت فمها وناضت .ايه معليه شوف هاذوك لي تضل تهدر معاهم في التيلوفون هذاك ينفعوك ....م : هههه يما واش هاذي الهدرة......ورحت ليها نعنق فيها ونضحكو في زوج...يما: زبلحني زبلحني بالهدرة تاعك....
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:06 pm

#الحلقة_7: دخلت لبيتي ترميت على فراشي تغطيت ...شعلت التيليفيزيون ..بقيت نبدل معجبتني حتى حاجة ....رميت تيليكوموند فوق تابل دو نوي وشديت تيليفون دخلت للفايس ديراكت ...لقيت حبابي اون لين ...منال: واش موح هذا وين دخلت للدار ؟؟.. م : وي كي لعادة...منال: وقيلا راك عيان ؟؟... م: آ آ ه راني هايل هههه سينورمال عيان ..قلت نجيب شكون يعاوني فالحانوت ..كاش وحدة كونفيونس ...منال : ممم نجي انا نخدم معاك ؟؟... م: هههه لالا غير اقعدي في بلاصتك نتي نديرك فالحانوت !!.. منحبش عليك ...ههه منال: هههه امنتك حتى انا مانيش جاية ...م: ههه باين لوكان قتلك جي ..منعرفكش انا جيتيني جديدة..ههههه ......بقيت نهدر معا روحي 'خصني غير وحدة كيما نتي فالحانوت ياخي حالة ...وضحكت باستهزاء.......كملنا هدرنا جيت نديكونيتي حتى لقيت وحد لامي معايا طفلة مسمية روحها ma mere croix rouge....هي يتيمة من يماها وعايشة مع مرت باباها وبابها مريض ....نحب نهدؤ معاها هي الوحيدة لي سيريو معاها وتحكيلي همها ومشاكلها نبقا نسمعلها مانيش عارف علاش ....بقيت نهدر معاها ونسمع فالشتا طيح وطيح قاوية...بقيت مركز مع التاقة حتى جاتني فكرة !!!حبيت نقوللها اذا جي تخدم عندي بصح معلاباليش وين تسكن هي ...حبيت نسقسيها ....بقينا نقصرو ونضحكو كيما تقولي هي معاك ننسا همي ...حتى انا ننسى روحي معاها ....كي نكون نهدر معاه نفرح ونحس الدنيا ماشي سايعتني ...نحب الوقت يوقف ..منحب نسمع والو ولانهدر مع حتى واحد كي نكون معاها نركز في كل كلمة تقولها في كل ضحكة تبعثهالي نبقا نتخيل فيها قدامي ..بصح عندي خوف دخلاني لوكان يجي نهار وتغيب عليا خاطر معندي حتى معلومات عليها ماحاطة والو فالبروفيل نتاعها ....ومنحبش نسقسيها نخاف تفهمني غلط ونخسرها ....مي لازم نتكورج .بقيت نهدر معاها منبعد قلتلها خصتني وحدة فالحانوت تعاوني ..نحب وحدة ثيقة وملقيتش ..لوكان نعرفك قريبة لهنا نقولك جي تخدمي !!!بقات ساكتة منبعد قاتلي والله انا محتاجة خدمة بابا مريض ومرت بابا تضل ورايا ...بصح كيفاش نخدم عندك .والله جيني صعيبة لازم نتلاقاو قبل .محمد فرحت من قلبي كي قاتلي نتلاقاو حتى انا كنت حاب م : ايه نتلقاو علاش لالا هاذي مدة نهدرو ...نتي شفتي تصاوري فالبروفيل تاعي بصح انا منعرغكش وحاب نتعرف عليك ممم شالله بصح اصبر عليا نخمم ونقولك ..وضرك تبقا علا خير .تبسمت مع روحي اون فان حانشوفها
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:06 pm

الحلقة_8: نرجعو لفراح لي كانت تهدر مع محمد نحكو عليها شوية .....فراح طفلة تربات يتيمة يماها ماتت بالمرض الخبيث وخلاتها صغيرة ....باباها عاود الزواج...فالاول مرت باباها كانت تعاملها مليح خاطر كان باباها صحيح ماشي مريض وكان يحب بنتو ويضل يوصي في مرتو عليها ....بصح وحد النهار مرض حكمو مرض ضغط الدم وتشل ششلل نصفي ....ميقدرش يهدر ولا يتحرك..بنتو قايماتو ومرتو ولات تضل تداوس معاها وتسب فيها وفيه .....فراح يغيضها باباها وساعات ترجعلها الهدرة وساعات تبقا غير تبكي....باباها يسمع وقلبو محروق على بنتو وميقدر يديرلها والو ....بقالو غير التقاعد نتاعو كيما كان يخدم شيفور تاع الكوس فالافاك ...كان حلمو بنتو تكبر وتقرا فلافاك كيما كامل لبنات وتمنا يشوفها كيما يشوف البنات يقراو ....وفرلها كامل واش تحتاج بصح المرض سبقو وطيحو فراش ومعندوش لي يتلها بيه
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:07 pm

الحلقة_9: خرجت من عند بابا نمسح في دموعي .ونستغفر ...رفدت خدمة يدي فالساشيات لحقت عند جارتنا خالتي صفية لي علمتني ...دقدقت فالباب ...صباح الخير فراح ...صباح الخير خالتي راني خارجة بلا منوصيك علا بابا ...منطولش ونرجع ....ص: روحي يابنتي ربي يعينك ضرك نبعث ريهام تقعد معاه منحبش نروح انا نلقا هاذيك السوسة تاع مرت باباك....ف: معليش انا نروح ضرك باش نرجع ....رحت نمشي ونزرب حتى لخقت للاري بقيت نستنا جات bus ركبت لقيت بلاصة ريحت وتكيت علا الكارو ونشوف في الدنيا ....ونشوف روحي نمشي في طريق معمرة بالشوك وانا حايرة وين نروح وبقيت نعيط بابا يما...نشوف يما راحت وماشفتش فيا وبابا يتبع فيها وانا نجري باش نلحقهم ...نجري ونبكي ونحس يد شدتني بقيت نحي فيها ونبكي ....مدوموزال مدموزال لحقنا !!!!فتحت عينيا معرفتش وين راني ...مدموزال رقدتي رانا لحقنا ل5 juillet نفتح في عينيا شفت الناس كامل هبطو ..ميرسي خويا سمحلي ...رفدت ساشيات نتاوعي ونزلت نحس روحي دايخة كي رقدت نمشي في الطريق حتى صونالي واحد نخلعت شفت مورايا لقيت طونوبيل كحلة ...واش واش تشوفي فيا؟؟!! ياخي عباد ياخي تمشو في الطريق كي البهايم ....حبست ونخزر فيه مخلوغة زاد صونالي بعدت نجري للتروتوار ....خبطت في وحد الشيخ قالي واشبيك يابنتي ...اسمحلي الحاج والله مشفتك ...معليش بنتي عسي روحك راكي وجهك صفر ..انتبهي مرة اخرى...هبطت راسي وحشمت ...وكملت طريقي ..لحقت للحومةلي يخدم فيها ياسين شفتو واقف ...دخلت ديراكت للفيرترينة تاعو....جا مورايا ...صباح الخير ..صباح الخير ...هاك هاني كملتو هاذو كامل ...جبدتلو الخدمة ..كاين كوفرولي وكاين نابخوات وتلايق تاغ الخزانة ...شافهم امم شابين ....كمليهم بالخف...ف : ايه لازم ....فتح القجر جبد دراهم وخلصني ..وزادلي من عندو ..نو منشدش والله ندي حقي برك....ي: ااه متخلينيش نزعف عمي علي عزيز عليا ..شدي ومتحشمينيش ....ف: يعطيك الصحة والله بزاف ...خيرك مننساهش ...تبسمت وخرجت من عندو ورجعت للدار
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في السبت أغسطس 18, 2018 10:07 pm

#الحلقة_10: لحقت لدارنا دخلت ديراكت لقيت مرت بابا في بيتها كي العادة...افف تهنية منها منشوفش خليقتها ...رحت عند بابا لقيت ريهام معاه توكل فيه ...ف: علاش عليك ريهام كنتي تخلي حتى نجي ونفطرو بزاف عليك...ر: واش بزاف عليا ...فراح راكي كي ختي وعمي علي كيما بابا ..متزيديش تعاوديها والله نزعف منك ..ف: ربي يخليك ريهام والله مننسا خيركم معايا كامل ..راكو كثرمن عايليتي ...عايلتي لي من لحمي ودمي محوسوش عليا وحابو حتى يدولي حقي ...ر: ربي يهديهم ناس متخافش ربي ونتي معاك ربي وحنا ديما معاك وقت ماتحتاجي....ف: يعيشك ربي يخليكم ليا......خرجت ريهام وراحت لدارهم وانا رحت دوشت وبدلت....لقيت الشربة سخونة كيما سخنتها ريهام فطرت وغسلت الماعن ..رجعت لبابا لقيتو راقد ..دخلت لبيتي نريح ..شفت تيليفوني فتحتو ودخلت للفايس
معنديش لي زامي بزاف ...مام لي عندي منهدروش بزاف ..كاين واحد برك اسمو محمد نهدرو بزاف نحسو يفهمني ..ديما كي نكون مقلقة نحكيلو يسمعني ويفهمني ويعاوني في بزاف صوالح..لقيت فيه حجات لي بلاك منلقاهمش في صحبتي ولا ختي ...منغرفش معنديش اخت انا وحدي بنت بابا ويما....نحكيلكم كيفاش تعرفت عليه ..وحد النهار في نهار العيد عيد نجوزو كل عام ماشي كي الناس بلا امي ماعنديش فرحة العيد....دخلت للفايس لقيتهم بيبلياو وحد الستاتي تاع شحالعندك مشفتش يماك.....سؤال كان صعيب عليا زاد كمل عليا وزادلي الملح للجرح..رغم لي كل عيد نعيد بلا امي ومنتفكرهاش اصلا بصح نحس ببلاصتها فارغة .....الناس تكومنتي واحد يقول راهي معايا وواحد يقول مسافر وواحد يقول ميتة كي حالتي ....انا قلت نشوفها غير مليل ل ليل .....ريبوندالي محمد هذا مسمي روحو moh-kongo.....قالي كيفاش مليل ل ليل خدامة ؟؟!!!..... ف: نو ماشي خدامة مي نشوفها فالمنام برك.....م: علاش مسافرة ....حسيتو كان يستبعد في احتمال تاع ميتة......ف: لالا ربي يرحمها ماتت وانا صغيرة ...منشفالهاش وكل يوم نطلب ربي نشوفها فالمنام خاطر منعرفهاش ..ومرت بابا حرقت كامل تصاورها.....م: ربي يهديها...لهاذي درجة متعلقة بيماك....
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:39 pm

#الحلقة_11: غلبوني دموعي وانا نهدر معاه نحسهم يهبطو سخونين قلبي يحرق فيا ..نحس صدري يتهز رجعت نبكي بالشهقة ..وهو بقا يبعثلي فالبريفي ..وينك شبيك وانا نبكي ونشهق ...نحس عندي مدة مبكيتش ملقيتش لي يسمعني ..ملقيتش لمن نفرغ قلبي ...مقدرتش نجاوبو طفيت تيليفون وترميت فالقاعة نبكي ضميت رجليا لصدري ونبكي ...حتى نسمع جارتنا ريهام تعيطلي نضت نجري مسحت دموعي ...دخلت ريهام فتحت الباب بلعقل وخزرت فيا ...تنهدت وجات لعندي ...ر: فراح ارحمي روحك كل عيد هكا ....سلمت عليا نصطنع فالضحكة ...صح عيدك ...ر: عيدك مبروك ...بقات تشوف فيا ..عينيا منفخين...شبيك فراح اليوم العيد افرحي بلاك ربي يرحمنا ونجوزه لعام الجاي في ديورنا ههههههههه ...طرطقت بالضحك ..والله ضحكتيتي ...منبعد سكتت ..ريهام انا كيفاش نتزوج ونخلي بابا ؟؟!!.. منقدرش حتى نخمم فالزواج اصلا ..منطمعش روحي حتى بعلاقة .....منقدرش نعيش كيما لبنات نحب ونتحب...حتى هاذي وتحرمت منها...ر: يخااه جيت نكحلها عميتها ...خلاصاسكتي فراح ..انا بهلولة نهدر ف هاذي الهدرة...عنقتها ورجعت نبكي..يمكن حتى حاجة متقدر تفرحني ياربي ارحمني
متبكيش فراح والله ربي يعوضك علا واش صبرتي ....ادعي ربي يفرج عليك ويطيحك في وليد الحلال لي يفرحك..لي يفهمك ويقدر ضروفك....ف: نشالله ياربي ....ر: هيا اضحكي واتحفي روحك خلينا نخرجو ....ف: وين ؟؟... نخرجو مع بابا نروحو للماناج.هههههه .....ف: اتمسخري حنا بقالنا مناج ....ر: هههه والله نروحو لبن عكنون هيا واش كبرنا هاذي مزلنا صغار...خلينا نفرحو قبل ميسجنونا..هههههه ...ف : بصح بابا منقدرش نخليه وحدو ...ر: فففف يما جي ليه متخافيش قلتلها وزيد مرت باباك مكاشها راحت لدارهم ..يما جي تشوفو......فرحت وجدت روحي مليح. ...بقيت بابا علا خير ..خرجت نجري كي الطفلة الصغيرة ..لقيت ريهام وباباها يستناو فيا ركبت معاهم ورحنا....بقيت نشوف مع ال طريق والناس يتواعدو ...تفكرت بابا كي كان يديني كي كنت صغيرة. ونبقا نلعب ونضحك ...تفكرت هاذوك الذكريات لي ميتتمحاوش من ذاكرتي ممكن احسن ذكريات عندي....غست معاهم حتى فيقتني ريهام هااانا وصلنا...هبطنا وبقيت نشوف الناس مع ولادهم ...جايبينهم يلعبو ويضحكو ..جبدتني ريهام من يدي ودخلنا
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:41 pm

#الحلقة_12: دخلنا للماناج لعبنا وفرحنا كي لولاد صغار حتى رجعنا نبكو مالضحك....ركبنا فالبابور هاذاك ونعيطو ....وريهام خايفة وشادة فيا وانا نضحك عليها ....هههههه خوافة ريهام شبيك......ر: يخاااه جبتك باش تزهاي رجعت انا خايفة ههههه.....جازت عشية هبال نسيت فيها همي ...مي كل مرة نعيط لخالتي صفية نسقسي على بابا...قلبي وعقلي ديما معاه...طمني عليه باش نتهنى....عيطنا لعمي الطاهر بابات ريهام جا دانا ..دخلت للدار ميتة بلعيا ...رحت لعند بابا لقيتو يشوف فالتيلي ..سلمتلو على راسو تبسملي فرحت ماشي موالف يتبسم ..عنقتو ..يمكن فرح كي شافني فرحانة ...دخلت لبيتي نحمد في ربي بدلت حوايجي ورجعت فطرت وفطرت بابا معايا ..مرت بابا مرجعتش الله لا يردها هههههخخخ....ستنيت بابا رقد ورحت لبيتي...ميتة بالنعاس..فتفكرت محمد فتحت الفايس لقيتو كلاني بليميساج حتى ولا غير يهدر...شبيه هذا ؟؟... اليوم عرفني دار هذا كامل؟؟!!.... بعثتلو سلام ..مجاوبنيش ودارلي vu...ههه بقيت نبعثلو نحاول فيه حتى جاوبني شبي ر** مجاوبيش ؟؟!!.... اااههه واش راك تهدر بلاك تحكم فيا ...شبيك شكون نتا باش تسقسيني ؟؟!!... م: سمحيلي ماشي قصدي تقلقت برك عليك ...ف : ممم متتقلقش راني لباس خرجت اليوم نسيت همي ...محمد : ممم معامن ؟؟!!. ...ف: ههههه ميروحش عقلك بعيد مع جارتنا وباباها رحنا للماناج ....م: هههه بقالكم مناج !!!... ف : ايه واش فيها والله خيرمن القعاد فالدار...م: هههه مهابلوجازو يمات وحنا ديما نقصرو مع بعضانا والفتو ووالفني ...منعرفش واش نحس جيهتو بالضبط ممكن اعجاب وممكن اي حاجة ...خاطر نعرفو غير فالفايس شفت تصاورو ...مي مزال منقدرش نقول نعرفو مليح ...كنت حابة نجبد روخي منو خفت نتعلق بيه كثر خفت نضيع في داومة الحب وانا ضروفي متسمخليش ....بصح هو يعرفهم ..نهدر مغ روحي ما فاهمة والو ..عقلي يقولي اخطيه وقلبي يقولي خليه معاك...كنت نعيش صراعات داخلية ...معرفتش واش ندير ...هو مصرحلي بوالو حتى مطلبش يشوفني ومعبرلي بحتى حاجة...مي التصرفات تاعو تخليني نشك ..منحوس عليه حبيت نبعد ..يحوس هو عليا ويدوس معايا كي منحوسش عليه..معرفت نفرح معرفت نزعف....مي الحاجة لي متاكدة منها بلي تعلقت بيه ويمكن حتى حبيتو....قد ما حاولت نبعد عليه نقرب كثر ...حتى وحد النهار طلب مني نخدم عندو
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:42 pm

#الحلقة_13: نحكيلكم نهار عرض عليا نخدم عندو..فهاذاك النهار الصباح كنت رحت لعند ياسين باش نعطيه خدمتي...نضت الصباح كي لعادة..خليت ريهام مع بابا ورحت فالbus...لحقت للحومة هاذيك..شفت ياسين واقف مع واحد معرفتوش مي شبهتو ...كان داير لينات ...محبيتش نركز معاه خفت يفهمها حاجة وحدوخرا خاطر هو ثان كان يشوف فيا...هبطت عينيا ودخلت ديراكت عند ياسين وعقلي معاه ..عصرت مخي باش نتفكرو مقدرتش ...فيقني من الغيسة ياسين كي صبح عليا...اعطيتو خدمتي وخلصني كيما لعادة..وسقساني علا بابا ...ف: راهو في يد ربي ..ي: معليش حاجة ربي ...خرجت من عندو لقيتو مزال واقف مي نحا لينات ويشوف فيا...شفت فيه مليح ..يخاااه محمد !!!!!.نشطح ومغمضة عينيا حتى نحس بحاجة شدتني من يدي ...فتحت عينيا مخلوعة لقيتها مرت بابا شفت فيها وترفد يدها وتضربني بكف...اححح شديت وجهي ..نحكك عليه من قوة الحرقة والوجيعة .حتى عيني دمعت ..بابا وعمرو مضربني علاش هذي ترفد يدها عليا ...عاودت خزرت فيها لقيتها تشوف فيا بتسوميم ...ف: شبيك ؟؟.. علاش ضربتيني ..واش درتلك!!؟؟؟.... هههه راكي زاهية وتشطحي ..مممم مليح واش زاد عليك..حسبتلك مفقتلكش ..ملي دخلتي ونتي فرحانة وعينيك راح يخرجو من الفرحة ...اهدري الصح معامن كنتي تترعوني وجيتي لهنا ..ااا قولي قولي نهدر معاك..لاعبتها شريفة وبنت فاميليا...واش يقولو عليا الناس..آآ قولي ..يقولو ماشي مربية ويهدرو حتى فيا .....هههه ضحكت فراح باستهزاء وحزن في نفس الوقت...ههههه ني من وقتاس تحوسي عليا ولا تخمي فيا واليوم جاية تحاسبيني...وزيد انا راني نخدم علا روحي وعلا بابا خاطر نتي يلالا ديتينا دراهم التقاعد واليوم جاية تحاسبيني!!!
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:45 pm

الحلقة_14: متحاسبينيش ومدخلك فيا سمعتي نهدر ونعيط ..نعيط مدخللللك مدخخخلللك فيااااا سمعتييي..اخطييينييي ....طحت فالارض ونبكي وهي تخلعت فيا ورفدت روحها وخرجت...بقيت نبكي ياربي علاش هكا كلما نفرح تكحسلي ومطولش فرحتي علاش ديما هكا...تفكرت بابا رحت ليه نجري لقيتو قاعد ودموعو نازلين..رحت نجري ليه عنقتو ونبكي..سامحني بابا بصح يلزم نوقفها عند حدها...تتهمني بقلة التربية ...هاذي اهانة منحبهاش فيكم ولا فيا...متحملتهاش ..سمحلي بابا آخر مرة ...مسحتلو دموعو ورحت وجدتلو فطورو وفطرتو ....استينيتو حتى رقد ورحت لبيتي عيطت لريهام جاتني مسكينة لقاتني في حالة ..ر: شبيك فراح واش صار ..احكيلي ...حكيتلها واش صار كامل......ر: يعطيها كسرة في يديها ....الغيرة عماتها كي شافتك شاطرة وقايمة روحك وباباك....هيا فراح اخطيك منها واحكيلي يا لفعة علاش كنتي فرحانة وتشطحي هههه فراح تبسمت ضرك نحكيلك..ر: ههه علا التبسيمة باينة بلي طحتي على راسكحكيتلها كامل واش صار ملول ..ملي عرفتو حتى لليوم لي شفتو وعرفتو وين يخدم...ريهام بقات مخلوعة مالصدفة لي جمعتنا ....ر: يخاااه كرونيييك ههههه ...وااله حكايتك توالم كرونيك فالفايس ههههه...ف:ههههه اضحكي عندك الحق والله انا ومزلت مخلوعة ...مامنتش روحي كي شفتو ..هههه وكيما قلتي صح كرونيك هههههه نضت وبقيت نهدر ونمشي جبلتلكم كرونيك هبال اسمها الصدفة هههههههه وطرطقنا بالضحك.....حكينا انا وريهام شوي منبعد راحت وجدت لعشا تعيشت مع بابا وغسلت لماعن ورحت لبيتي متشوقة باش نفتح الفايس فتحتو لقيتو اون لين بقينا نهدرو شوي ..منبعد قالي نحوس على وحدة كونفيونس جي تخدم عندي .لوكان نعرفك قريبة لينانقولك جي تخدمي !!!
حسيت قلبي رفرف مالفرحة كي قالي هكك...ديراكت قتلو لازم نتلقاو بلا منخمم ....هو قبل ديراكت شغل كان يستنى فيا نقولو هكاك ...محمد: ايه نتلاقاو حتى انا مذابيا نشوفك هاذي مدة وحنا نهدرو لازم نتلاقاو وانا حاب نشوفك ....منبعد فقت مع روحي وقتلو اصبر نخمم ونردلك الخبر ...خرجت مالفايس ونخمم مع روحي كيفاش راح نقابلو !!!.... يااااع من نيتي انا ..بففف لوكان منعجبوش وزيد يعرف حالتي وحالة بابا ميقبلش ....بصح انا كي كنت نحكيلو ديما يقولي ربي يرزقك وليد الحلال لي يفهمك وكنت نحسو هو يفهمني ..ممم والله تلفتلي ..ضرك تولي فيه ميقبلش كامل يهدرو برك ..كذابين وكي تلحق للصح يتهربو ....نرقد خير راسي راح يطرطق ...جبدت الغطا ورقدت ...نشوف في روحي نشطح ونغني كيما كنت الصباح منبعد نلقا روحي في وسط البحر والموج يرمي فيا جيه وجيه ونعيط منبعد جات فلوكة فيها عباد معرفتهمش ..عيطت يجو يدوني ..وحد قالي متروحيش معانا ...ربي يبعثلك لي يخرجك مالبحر وراحو وخلاوني نبكي وحدي فالبحر .فطنت مخلوغة نسمي فالله ..نضت نجري شربت لما ...تفكرت بابا رحت ليه ..لقيتو راقد مسيتو لقينتو باااارد ..بابا بابا نوض..ب..بب بااااااابااااا
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:46 pm

الحلقة_15: وقفت نجري لعند دار ريهام نخبط بالقوي فالباب ..خرجو يجرو مخلوعين كانو راقدين ....بابا اجري ياعمي الطاهر يعيشك بابا راهو بارد ...واش ا..واش نقولي لبسو بليغتو وجاوني كامل يجرو ... مسولو عروق يدو...مزال عايش ..تحاماو فيه كامل ...ورفدوه مع لجيران ..داوه فالطونوبيل للسبيطار ..وانا نبكي مقهورةمالدنيا لي داتلي كلشي نخاف تزيد تديلي بابا ..بابا آخر حاجة بقاتلي مالدنيا ....طحت فالارض نبكي وريهام وخالتي صفية يسكتو فيا ..يابنتي شدي في ربي ..ربي رحمتو واسعة...رفدت عينيا جات مع مرت بابا عكرت فيها ..نتي نتيي سبة كامل من جرايرك ...لوكان بابا كاشما يصيرلو تخلصيها غالية ..سمعتي ...عوجت فمها ودخلت ....وقفت شفت ريهام ...ريهام نروح للسبيطار نشوف بابا ...منبقاش هنا ...اديني ريهام ...اديني تعيشي ...نهدر ونبكي ...ر: اصبري نعيط لياسين خويا يجي يدينا...ضرك نعيطلو ....رفدت تيلوفونها وعيطتلو..انا دخلت للدار رفدت صوالح فالدار درتهم فالصاك وخرجت ..نرجعو لمحمد كان فالفيترينة تاعو شاف ياسين يدخل فلسلعة بالزرب ...خرج ليه ...واش ياسين واش كاين ؟؟.... ي: ماكاش واحد جارنا داوه للسبيطار ندي العايلة تاعو تشوفو ...م: ايه ربي معاك ...دخل محمد لحانوتو معطاهش اهمية للحكاية.....غلق ياسين الحانوت وركب طونوبيل وديمارا ....لحق لدار فراح لقاهم يستناو فيه..ياسين : متتقلقيش فراح نشالله غير الخير ...فراح : عيشك خويا ...سمخلي شقيتك ...ياسين : مابيناتناش هاذي الهدرة.....تبسمت وركبنا معاه ..ديمارينا..بقيت نشوف مع الطريق غايسة فالدنيا والعباد لي رايح ولي جاي....ونتفكر في بابا ودموعي نازلين ...نتفكر في صغري وذكرياتي معاه ..حسيت بيد ريهام شدتني .متخافيش فراح ...ميكون غير الخير نشالله ....لحقنا للسبيطار....لقيت ياسين و عمي الطاهر وجارنا وحدوخر ثما ....شافو فيا...نطق ياسين : راهو فالبلوك....بقينا نستناو حتى خرج الطبيب ...جرينا ليه واش ...نستناو فيه ملهوفين.....يلزمو عمليه في مستوى الراس...نضن الحالة تاعو نفسية اثرت عليه بسبب الحالة لي كان فيها.....يسمع وميقدرش يعبر ...كلشي بقالو لداخل حتى تفجر...لازم تنقلوه للدكتور صالح المحمودي في العيادة تاعو ...هو اختصاصي في هاذوما الصوالح...وراح وخلانا..شافو فيا ...قلتلهم ادوه ضرك نروح للدار نجيب الدراهم...حلو فهمهم مخلوعين
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:47 pm

الحلقة_16: هبطت نجري سبقتهم ركبت طاكسي لحقت عند السياغ حطيتلو شوية ذهب لي خلتهولي يما ...احسبلي شحل يجوني هاذو..كاين مناقش وسنسلة . رقيقة وخاتم ....بقا يوزن ويحسب ..قالي مدموزال الذهب راهو طايح هاذ النهارات...يجوك 88 ملاين برك....فراح : فففف هذا مكان !!!... معليش صحيت ...رفدت الدراهم وخرجت مشيت شوية لقيت حانوت تاع التيلوفونات ..شفت في تيليفوني تنهدت وزدت دخلت بعتو ...معليش قد ماجاب جاب ..المهم نخلص الطبيب...نحيت لابيس وكارت ميموار...وخرجت منعندو .....حكمت طاكسي للعيادة تاع الدكتور هاذاك ...لقيتهم ثم ....جبدني ياسين من يدي وين كنتي ؟؟... علاش تيليفونك طافي؟؟!!.. وزيد واش حكاية الدراهم ؟؟! ...حنا ماشي رجال باش تخلصي نتي قولي ...خصارة غليي.....مكملش هدرتو حل فمو مخلوع فيااااا..فففراااحكنت دايرة حساب بلي يقولي هكا .خاطر نعرفهم دار عمي الطاهر ناس ملاح بلبزاف...رفدت معايا ذهب باش نبيعو ورفدت مصحف صغير وحطيت يدي عليه وهو يهدر قاطعتو والله انا نخلص لي عندي واذا خصني زيدلي .....يا ر**.... شبيك علاه حلفتي علاه ....هبطت عينيا..كامل بقاو يشوفو فيا ..مخلوعين مني ..رحت عند الدكتور وتفاهمت معاه ..قالي مدموزال العملية خطيرة بزاف 50% نسبة النجاح...لازم تسينيي بلي معندناش دخل كاشما يصير....صدمتني هدرتو...حسيت بغصة في قلبي من كلامو..بصح لازم نتقوى علا خاطر بابا يلزم..سنييت علا الاوراق كامل ....خصوني 5ملاين زادهملي ياسين....دخلو بابا للبلوك وانا نشوف فيه مالبعيد وبقينا نستناو....السوايع جازو عواااام..الوقت تحسوواقف ...مرة نوقف مرة نقعد...مرة نمشي فالكولوا ر مقلقة نحك في صوابع يدي مالقلق..كامل تعبانين مقلقين ..شوية هكاك وتحل الباب ..خرج الدكتور ..جرينا لعندو...دكتور طمني ربي يخليك....الدكتور : اح اح..للاسف خسرنا المريض...وضم يديه لبعضاهم....بقيت نتبع فيهم بعينيا وهو يشرح يهدر وانا في حالة اخرى ..نحس الدنيا دور بيا ...نسمع صوت التصفار في وذنيا ...وليت منحسش بجسمي حتى وقعت فالارض والدنيا رجعت كحلاا...اكحل فاكحل...نحل في عينيا بسيف...نتامل قدامي نشوف الدنيا كلها بيضا...والسيروم في يدي...بقيت نشوف بعينيا في كل بلاصة...نشوف ريهام راقدة....رجعت بالذاكرة شوية للوراء تفكرت واش صار بابا...دموعي نزلو بلا منحس....حتى لحمي ولا يرعش ...ووليت نبكي بالشهقة....نبكي ونعيط بابا يما ...فطنت ريهام جاتني تجري تسكت فيا..وتقولي ربي يرحمو وحدي ربي...هذا قدر الله..جاتني الفرملية تجري ..باش ديرلي شكة....نحيتلها يدها..خليني نروح نشوف بابا قبل ميدفنوه...نهدر ونبكي...ر: متخافيش فراح ..مزال مخرجوهش منا ..حتى يكملولو كواغطو ويخرجوه نتي ريحي ....بقيت قاعدة..ف: مديريليش الشكة خليني خلاص هاني سكتت...ريهام خزرت للفرملية وقالتلها خلاص راهي معايا
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:50 pm

#الحلقة_17: بعيد على البلاصة...نروحو للمركز العسكري في بشار...فارس راهو فالتجنيد...مبقالوش بزاف ويخرج....نسمعو فالصونات تاغ الصباح....ناض فارس يجري يلبس في اللبسة العسكرية تاعو هو وباقي الجنود..لبسو الاحذية تاعهم وهبطو يجرو..وقفو فالصفوف....نطق المسؤول نتاعهم...استعدااااد قف.....وقفو منضمين....وانطلقو فالنشيد الوطني ..قسماااا...
نرجعو لفراح ..خرجت مالسبيطار واليوم دفينة عمي علي ...الناس كامل تلمو عندهم....القريب والبعيد ..حتى عايلة فراح عمومها وعمتها جاو...رغم ماشي متفاهمين على الورث تاع باباهم....الاراضي لي تشمل ميساحة كبيرة في قسنطينة...وبسبب الخلافات عليها بقات معلقة...عم علي متفاهمش مغ خاوتو نهار تزوج بام فراح..مقبلوهاش عايلو نهار خطبها خاطرها زوالية ....هو خلالهم كلشي وسافر للعاصمة...المهم..نرحعو للدفينة..عايلة ياسين قامو بالواجب..وجدو كلشي مالكراسى للتابوت والصوالح كامل لي يحتاجوهم ....وقفو مع فراح كثرمن عايلتها وبقاو يستقبلو فالناس...فراح مع النسا فالدار تبكي بالدمعة والناس يصبرو فيها...ومرت باباها تنوح وتبكي ودايرة حااالة...يا علي علاش علاااش خليييتني ياااعلي علاش..ياااخلاياااا.......والنسا يسكتو فيها.......فراح تخزر فيهابحقد رفدت روحها ودخلت لبيتها.......محمد: الوو ياسين وين راك؟؟... مجيتش اليوم....ياسين : وي .كاين دفينة تاع جارنا راجل كبير مات ...لي قتلك عليه البارح...رانا واقفين مع بنتو مكاش لي يوقف معاها..محمد: آآآ اوكي هاني جاي ...ياسين : ايه مذابيك .....بسلامة ..
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف ηєѕяιηє في الأحد أغسطس 19, 2018 9:52 pm

التكملة و التقاء محمد بفراح الغير متوقع غدوة ان شاء الله
نخليكم تتشوقو شوي Razz
بونوي
avatar
ηєѕяιηє

المساهمات : 28
نقاط : 36
تاريخ التسجيل : 11/05/2017
العمر : 17
الموقع : Algeria

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: كرونيك جزائرية بعنوان {حياتي والحب}

مُساهمة من طرف nihel في الأحد أغسطس 19, 2018 10:30 pm

ههههه ماتحشميش نسرين تخلينا فهاد اللحظة Sad

nihel

المساهمات : 1
نقاط : 1
تاريخ التسجيل : 10/04/2018
العمر : 12

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى